राष्ट्रिय

प्रदेश १ को मुख्यमन्त्रीमा शेरधन राई नियुक्त

sher_dhan_rai_med.jpg

विराटनगर : प्रदेश १ का एमाले संसदीय दलका नेता शेरधन राई मुख्यमन्त्रीमा नियुक्त भएका छन् । बुधबार दिउँसो प्रदेश १ का प्रमुख डा. गोविन्द सुब्बाले राईलाई मुख्यमन्त्रीको रुपमा नियुक्त गरेका हुन् ।

संविधानको धारा १६८ को उपधारा १ बमोजिम प्रदेश प्रमुख सुब्बाले राईलाई प्देश १ को मुख्यमन्त्री पदमा नियुक्त गरेका हुन्।

राई एमाले प्रदेश १ का इन्चार्ज भीम आचार्यलाई दुई मतले पछि पार्दै प्रदेश १ को संसदीय दलको नेता बनेका थिए । प्रदेश १ का एमाले ५१ सांसद मध्ये राईले २६ मत ल्याएका थिए भने उनका प्रतिस्पर्धी आचार्यले २४ मत प्राप्त गरेका थिए । एक मत भने बदर भएको थियो ।

बुधवार, फागुन २, २०७४